Segundas xornadas loxísticas.

A xornada reuniu a empresas, profesionais, alumnado e representantes institucionais, consolidándose como un espazo de encontro para analizar os retos e oportunidades do ámbito loxístico.

Durante a sesión tratáronse cuestións crave como a transformación do sector, a incorporación de novas tecnoloxías e sistemas de xestión, así como a importancia da formación especializada para dar resposta ás necesidades reais das empresas.

Un dos aspectos máis salientables foi a colaboración entre o ámbito educativo e o tecido empresarial, poñendo de relevo a necesidade de aliñar a formación coas demandas do mercado laboral. Neste sentido, a participación do alumnado permitiu achegar a realidade do sector aos futuros profesionais.

Así mesmo, púxose o foco na innovación e a dixitalización como elementos imprescindibles para mellorar a competitividade das empresas, así como na importancia de aproveitar as ferramentas e recursos dispoñibles para afrontar os cambios que está a experimentar o sector.

Desde a ECOXEM do Polígono de Carballo participamos activamente na xornada, moderando unha das mesas redondas e encargándonos da clausúraa, reforzando así o noso papel como axente dinamizador da contorna empresarial da comarca.

Desde a organización queremos destacar o valor deste tipo de iniciativas, que permiten xerar sinerxías entre empresas, centros formativos e entidades, favorecendo un desenvolvemento económico máis coordinado e competitivo en Bergantiños.

A xornada concluíu cunha alta participación e co compromiso de seguir impulsando este tipo de encontros en futuras edicións.