Novas
Falece Antonio Gómez Caamaño, expresidente da Comunidade de Propietarios.
Antonio Gómez Caamaño faleceu o pasado 18 de agosto aos 79 anos. Presidente da Comunidade de Propietarios do Polígono entre 2013 e 2022, o seu mandato estivo marcado por importantes avances na profesionalización e consolidación da xestión do parque empresarial.
O trazado da circunvalación recibe a aprobación definitiva.
A aprobación definitiva do trazado do vial de circunvalación supón un novo impulso a unha das infraestruturas máis demandadas polo tecido empresarial do polígono. Este trámite leva aparellada a declaración de utilidade pública da actuación e permitirá avanzar na redacción do proxecto construtivo, paso previo á licitación e ao comezo das obras.
Avanza a tramitación da ampliación do polígono.
A Xunta publicou no DOG a relación de propietarios afectados pola ampliación do polígono que non puideron ser notificados de forma individual. Os interesados dispoñen de dez días para comparecer ante a Administración e coñecer o contido do expediente.
O polígono contará con dúas paradas de autobús a partir do 25 de maio.
A Xunta comunicou a posta en funcionamento de dúas paradas de autobús no polígono a partir do próximo 25 de maio, unha actuación moi demandada polas empresas e traballadores do parque empresarial e que permitirá mellorar as nosas conexións con Carballo e A Coruña.
O polígono realiza un simulacro de emerxencia no marco do seu Plan de Autoprotección.
A ECOXEM do polígono realizou este pasado venres un simulacro de emerxencia co obxectivo de avaliar a capacidade de resposta ante posibles situacións de risco e reforzar a coordinación entre os distintos equipos de intervención.
Convenio de colaboración entre a ECOXEM e a Escola Universitaria de Relacións Laborais da Coruña.
A ECOXEM do polígono e a Fundación Escola Universitaria de Relacións Laborais da Coruña (ERLAC) asinaron no día de onte un acordo marco de colaboración co obxectivo de reforzar a conexión entre o tecido empresarial do polígono e o ámbito formativo.
Segundas xornadas loxísticas.
O pasado 26 de marzo celebráronse en Coristanco as II Xornadas Loxísticas, unha iniciativa que impulsamos conxuntamente o Centro de Promoción Rural EFA Fonteboa e AXOBER, co obxectivo de abordar os principais retos aos que se enfronta o sector.
Aprobacion inicial do proxecto de expropiacion da terceira fase.
Hoxe o Diario Oficial de Galicia (DOG) publica a aprobación inicial do proxecto de expropiación da ampliación da nosa área empresarial. Os titulares das parcelas afectadas serán notificados individualmente, tendo un mes para formular alegacións.
