Novas: Xeral
Estás aquí: Inicio \ Novas \ Xeral
22.500 metros cadrados para uso industrial.

22.500 metros cadrados para uso industrial.

10 xuño, 2022 Xeral

A Xunta de Galicia aproba o cambio de uso de dúas parcelas da 2ª fase que ata a data tiñan orientación terciaria e que desde agora poderán albergar empresas de natureza industrial. O cambio realízase a iniciativa da Comunidade de Propietarios do Polígono.

A Xunta de Galicia aprobou onte a modificación puntual do proxecto sectorial da 2ª fase co fin de poñer ao dispor das empresas interesadas 22.500 metros cadrados novos de chan industrial dentro do parque. Con este cambio a nosa área empresarial gañará dúas parcelas para acoller iniciativas industriais que ata o de agora estaban reservadas a uso terciario (comercial, oficinas ou hostaleiro) pero que non rexistraban demanda neste sentido.

A previsión é que o Instituto Galego de Vivenda e Solo (IGVS) convoque antes de que termine este mes un concurso especifico para sacar á venda ambas as parcelas:

  • F1: 9.384 metros cadrados.
  • F2: 13.214 metros cadrados.

As parcelas son contiguas polo que unha empresa que necesite ata 22.500 cadros poderá adquirilas de forma conxunta.

Outras novas

Todas as noticias relacionadas co Polígono de Carballo ou que poidan ser de interese para as empresas que o compoñen.