Adxudicada a redacción dos proxectos de expropiación e urbanización da 3ª fase.
Esta semana quedaron adxudicados a redacción dos proxectos de expropiación e urbanización da ampliación da nosa área empresarial. As empresas adxudicatarias son Calixto Escariz e Antea Group Iberolatam respectivamente.
A Xunta de Galicia adxudicou esta semana a redacción dos proxectos de expropiación e urbanización da ampliación da nosa área empresarial. A empresa Calixto Escariz asumirá a redacción do proxecto de expropiación, mentres que Antea Group Iberolatam desenvolverá os plans de urbanización e parcelación dos terreos.
Despois de case un ano en proceso de licitación, a Xunta outorgou a redacción dos proxectos de expropiación e urbanización necesarios para avanzar na terceira fase do polígono. A empresa Calixto Escariz será a encargada de elaborar o proxecto de expropiación, cun orzamento de 71.607,80 euros e un prazo de execución de dez meses, ampliable ata os 18, ata que finalmente adquíranse os terreos. A expropiación afectará a uns 300.000 metros cadrados de terreo.
En paralelo, Antea Group Iberolatam redactará o proxecto de urbanización e parcelación cun prazo inicial de oito meses para a redacción e tempos estimados adicionais de ata 20 meses, incluíndo tramitación ambiental e exposición pública. O orzamento de adxudicación é de 167.444,64 euros.
A redacción destes proxectos son un paso previo imprescindible a poder acometer as obras de urbanización da terceira fase do parque empresarial. Con todo, a tardanza na adxudicación da redacción destes proxectos frustra os prazos comprometidos no seu día á Comunidade de Propietarios do Polígono. Se no seu momento informárallenos que a finais de 2025 poderían saír as primeiras parcelas á venda, agora o horizonte é o do 2028. Así mesmo o Plan estructurante de ordenación do chan empresarial (PEOSE) da ampliación está pendente da súa aprobación definitiva unha vez analizada as alegacións que foron presentada á súa aprobación inicial.
Actualmente só quedan dispoñibles na segunda fase dúas parcelas, que previsiblemente de adxudicarán no concurso que actualmente está aberto, e a oferta privada de chan na primeira fase é escasa e de dimensións reducidas. Carballo foi nos últimos anos líder nos concursos de adxudicación de parcelas convocados por Xestur, evidenciando a existencia dunha demanda real de chan industrial.
A ampliación supoñerá un incremento en 554.007 metros cadrados en dous sectores, o A con 443.226 metros cadrados e o B con 110.781.
