Novas: Xeral
Estás aquí: Inicio \ Novas \ Xeral
Aprobado o proxecto de mellora da rede de hidrantes do polígono por un importe de 86.519,69 euros.

Aprobado o proxecto de mellora da rede de hidrantes do polígono por un importe de 86.519,69 euros.

04 agosto, 2020 Xeral

Este investimento cubrirá un importante déficit na seguridade do polígono que na súa primeira fase só dispón de tres hidrantes para dar servizo a máis de 150 empresas. Por outra banda, o Concello concedeu unha subvención 8.288€ orientada a mellorar o noso servizo de xestión de residuos.

A habilitación de novos hidrantes era unha das peticións máis repetidas polo colectivo empresarial nos últimos anos e un os principais déficits que padecía a área empresarial nun tema tan sensible como o da seguridade e a prevención de emerxencias. Finalmente, o asunto vaise emendar ao ser aprobada a instalación de 12 novos  hidrantes no polígono. A obra executarase nos próximos meses e supoñerá un investimento de 86.519,69€ cofinanciada pola Xunta de Galicia (80%) e o Concello de Carballo (20%).

Mellora nos servizos de xestión de residuos.

Así mesmo esta semana a concellería de Promoción Económica do Concello informou da concesión dunha subvención de 8.288€ á Asociación de Empresarios do Polígono. Concretamente esta cantidade irá destinada a mellorar o servizo de recollida de residuos porta a porta e á posta en marcha dunha campaña informativa destinada a que as empresas e usuarios do polígono teña un mellor coñecemento dos servizos de xestión de residuos existentes no noso parque empresarial.

Este é un aspecto clave na estratexia de sustentabilidade do polígono que busca reducir ao máximo o impacto que a actividade comercial e fabril das nosas empresas poida ter na contorna.

Outras novas

Todas as noticias relacionadas co Polígono de Carballo ou que poidan ser de interese para as empresas que o compoñen.