Novas: Xeral
Estás aquí: Inicio \ Novas \ Xeral
I Feira do Emprego e a Formación do Polígono de Carballo.

I Feira do Emprego e a Formación do Polígono de Carballo.

16 septembro, 2022 Xeral

O evento terá lugar o próximo día 28 de setembro no Centro Social de Bértoa e busca aliñar as expectativas e incentivos dos principais actores do mercado laboral da zona: empresas, centros de formación e demandantes de emprego.

O próximo 28 de setembro celebrarase no Centros Social de Bértoa a primeira edición da Feira do Emprego e a Formación do Polígono de Carballo. O evento prolongarase durante todo o día, pola mañá de 09:30h a 13:30h e pola tarde de 16:00h a 19:00h.

A feira constará de dous espazos:

  • Unha área expositiva onde os centros de formación profesional da zona contarán cun espazo para dar a coñecer a súa oferta formativa; e distintas empresas do polígono terán os seus estands para recibir currículos e explicar a súa política de contratación e os procesos de selección que teña abertos.
  • No salón de actos celébrase un intenso programa de actividades (mesas redondas/paneis/conferencias) nos que se tratarán aspectos como a xestión do talento, axudas á contratación, certificados de profesionalidade, etc.

O evento está promovido polos empresarios do polígono e conta co patrocinio do Concello de Carballo. O acceso é libre e non require inscrición previa.

Podedes consultar o programa de actividades e as entidades participantes na zona expositiva descargando o seguinte arquivo PDF.

Adxuntos:
Outras novas

Todas as noticias relacionadas co Polígono de Carballo ou que poidan ser de interese para as empresas que o compoñen.