Intervencións no polígono a cargo do remante municipal.
No pleno municipal que se celebrará hoxe aprobaranse dúas importantes intervencións no polígono por un importe total de 321.717 euros, correspondentes a compra/expropiación dos terreos do futuro viario que comunicará o polígono coa estrada de Razo e tamén melloras no aparcamento e na sinalización.
Hoxe, luns 27 de xullo, o pleno municipal de Carballo aprobará un importante plan de investimento a cargo do remanente municipal acumulado nos últimos anos. Entre os investimentos para aprobar dous realizaranse respondendo a dementadas e necesidades da nosa área empresarial:
Desenvolvo PXOM sistema xeral VI1 (215.000 euros): trátase do vial que conectaría a rotonda de acceso do polígono coa estrada de Razo á altura de Centro Comercial Bergantiños e que xa figura no PXOM. Como primeiro paso previo á execución das obras, os 215.000 euros irán destinados a comprar ou expropiar os terreos polos que discorrerá o vial.
Mellora aparcamento e sinalización polígono (106.717 euros): trátase da urbanización da chaira contigua ao campo de futbol para a súa habilitación como aparcamento con 42 prazas para vehículos pesados, así como diversas melloras na señalética horizontal e vertical do polígono.
Ambas as actuacións responden a demandas expostas desde a Comunidade de Propietarios do Polígono e están encamiñadas a mellorar a mobilidade no noso parque empresarial que nos últimos anos viu incrementar considerablemente a súa frota de vehículos de empresas, así como o número de usuarios que visitan o polígono cos seus coches particulares.
