Saen a concurso as dúas últimas parcelas da segunda fase.
As parcelas son a F1 (9.384 m2) e a F2 (13.214 m2) que saen ambas cun prezo bonificado de 32,99 euros o metro cadrado. O pazo habilitado para presentar oferta é do 7 de outubro ao 7 de novembro.
Xestión do Só de Galicia – Xestur, SA publicou as bases que rexen o concurso público de venda e concesión de dereitos de superficie nos polígonos que promove, entre eles o de Carballo.
No noso caso a relación de parcelas que saen a concurso xa son só dous:
| PARCELA | USO | SUPERFICIE | PREZO SEN BONIFICACIÓN | PREZO BONIFICADO | PREZO M2 |
| F1 | Industrial/terciario | 9.384 | 619.187,85 | 309.593,93 | 32,99 |
| F2 | Industrial/terciario | 13.214 | 871.904,11 | 435.952,06 | 32,99 |
As modalidades de adxudicación de parcelas son en venda e en concesión de dereitos de superficie. Como principal novidade nesta convocatoria de concurso, os que opten pola concesión de dereitos de superficie poñeranse beneficiar da gratuidade do canon durante os oito primeiros anos de vixencia do contrato.
As solicitudes débense presentar en sobre pechado, indicando o nome do concurso e o nome do solicitante. O prazo de presentación de propostas para participar no concurso de inicia o día 7 de outubro ás 09:00 horas e concluirá o 7 de novembro ás 14:00 horas. A documentación deberase presentar nas oficinas de Xestur S.A.
A apertura de ofertas realizarase o 21 de novembro ás 11:00h nas oficinas da sede central de Xestur, SA
Anexamos as bases do concurso.
