Seleccionados para o estudo Polígonos en transición: enerxía para un futuro sostible.

O Polígono de Carballo foi un dos diez polígonos industriais elixidos a nivel nacional por Ferrovial e Impact Hub para participar no estudo Polígonos en transición: enerxía para un futuro sostible. Esta iniciativa busca identificar oportunidades para acelerar a transición cara a modelos enerxéticos máis limpos e eficientes, adaptándose a un mercado e marco regulatorio cada vez máis comprometidos coa sustentabilidade.

A transición enerxética converteuse nun reto crucial para a nosa sociedade e nunha prioridade para o tecido empresarial e industrial. Conscientes do rol crave que poden desempeñar os polígonos industriais neste proceso, Ferrovial e Impact Hub lanzaron este estudo para analizar o estado actual das empresas en canto á adopción de enerxías limpas e a eficiencia enerxética, e para identificar iniciativas que contribúan a un cambio colectivo.

Un diagnóstico crave para a competitividade e sustentabilidade

Esta participación representa unha gran oportunidade para o noso parque empresarial, xa que nos permitirá coñecer o nivel de avance na transición enerxética das nosas empresas e atopar novas oportunidades de mellora. O estudo contribuirá a impulsar a competitividade, reducir a pegada ambiental e fomentar o desenvolvemento sostible na nosa área empresarial.

As empresas participantes completarán unha enquisa en liña que poderá ser cumprimentada por un representante ou, en caso de dispoñer de persoal especializado, por profesionais en enerxía ou sustentabilidade. Ao finalizar o estudo, a Comunidade de Propietarios do Polígono recibirá un informe de diagnóstico específico para o noso parque empresarial, unha ferramenta clave para guiar a nosa estratexia a medio e longo prazo cara a un polígono máis eficiente e sostible.

Incentivos á participación.

Para motivar ás empresas para participar neste proxecto, as primeiras 50 empresas en completar a enquisa serán premiadas con acceso gratuíto a Actúa Sostible, unha innovadora ferramenta dixital de autodiagnóstico en sustentabilidade (ESG), que lles permitirá:

• Obter unha análise personalizada da súa situación actual en sustentabilidade.
• Definir obxectivos e prioridades estratéxicas en base a este diagnóstico.
• Prepararse para cumprir coa normativa ambiental europea e aproveitar oportunidades de incentivos para empresas verdes.

Para máis información, o equipo da Comunidade de Propietarios do Polígono está dispoñible no teléfono 981 701 090 ou nas oficinas do Centro de Promoción Económica en horario de 09:00 a 14:00 e de 16:00 a 18:00 horas.