Tres intervencións no polígono do proxecto Cicl-ando Carballo.
Estas novas sendas reforzarán a integración do noso parque empresarial na rede viaria municipal e supoñen un investimento superior aos 450.000 euros. Estas tres intervencións serán posible grazas a unha subvención de 1.713.295 euros procedentes de fondos europeos destinada á execución de 18 km de sendas peonís e ciclistas no termino municipal.
O noso parque empresarial ten un notable protagonismo no proxecto Cicl-ando Carballo que creará unha rede de 18 km de sendas peonís e ciclistas ao longo do termino municipal. O proxecto está financiado nun 80% por fondos europeos e supoñerá un investimento superior aos dous millóns de euros (1.713.295 euros fondos europeos - 428.323 euros fondos municipais). As distintas actuacións xa están adxudicadas e en breve iniciaranse as obras.
Estás son as intervencións que se executarán no noso parque empresarial:
- Prolongación da senda que une a avenida de Bértoa co polígono, cun custo de 278.398,14 euros e 994 metros de actuación.
- Conexión ciclo-peonil entre o parque empresarial e a estrada que enlaza Carballo e Razo cun custo de 91.270,76 euros.
- Unha senda perimetral ao polígono que enlaza co centro da localidade e co resto da rede ciclista. A este proxecto destinaranse un total de 110.894,35 euros.
