Xornada sobre transferencia científico-técnica coa UDC.

Este evento organizado pola Comunidade de Propietarios do Polígono, tivo como obxectivo achegar ao tecido produtivo local os distintos instrumentos de transferencia de coñecemento e tecnoloxía que pon a UDC ao dispor das empresas. Neste sentido a UDC ofrece un extenso catálogo de recursos tecnolóxicos e de investigación para a súa aplicación directa en sectores como a construción, as enerxías renovables, a produción industrial ou as TIC; así como diversas modalidades de colaboración adaptadas ás necesidades, tamaño e grao de madurez de cada empresa.

A sesión contou coa participación de varias empresas do polígono que xa participaron en distintos proxectos con universidades e centros tecnolóxicos e algunha outra con ampla experiencia no desenvolvemento de produtos e patentes propias; que compartiron as súas experiencias. Todos os participantes coincidiron na necesidade de facilitar o contacto universidade-empresa, rompendo as barreiras burocráticas ou de descoñecemento que poidan existir.

Desde a Comunidade de Propietarios valoraron positivamente a xornada como unha primeira toma de contacto do polígono co ecosistema innvador da UDC e o propósito é traballar en que sexa o inicio dunha colaboración duradeira coa universidade.