Visita institucional do presidente da Autoridade Portuaria de Ferrol San Cibrao.
A visita tivo como obxectivo presentar ás empresas do noso polígono os novos roteiros e frecuencias da terminal de contedores do porto ferrolán, que lles permiten enviar mercadoría aos principais mercados europeos e internacionais con prazos e custos moi competitivos.
Aprobada a apertura do vial que conectará o noso polígono coa rotonda do Centro Comercial Bergantiños.
A corporación municipal aprobou no pleno de onte unha modificación orzamentaria que incorpora un importe de 615.370,74 euros para a apertura e pavimentación do primeiro tramo do vial que comunicará o noso polígono coa avenida de Razo.
Xornada sobre transferencia científico-técnica coa UDC.
Este mércores día 29 celebrouse no Centro de Promoción Económica unha xornada baixo o título A Universidade da Coruña, a túa colaboradora en innovación. Oportunidades de transferencia científico-técnica universidade-empresa. Foi impartida por Xosé Manuel García da OTRI UDC.
Xornada sobre a FP Dual Adaptada da man de Aspaber.
A FP Dual Adaptada é unha nova modalidade de formación profesional orientada á inserción laboral de persoas con discapacidade. Os alumnos de Aspaber levan formandose tres anos e obtiveron de certificado de profesionalidade Limpeza de superficies e mobiliario en oficinas e locais.
En concurso de venda as últimas 5 parcelas da 2ª fase.
Xestión do Solo de Galicia (Xestur SA) saca a concurso de venda as últimas cinco parcelas dispoñibles na 2ª fase da nosa área empresarial. Un total de 35.085 metros cadrados polos que se poderán presentar ofertas ata o 14 de marzo.
A consulta pública a avaliación ambiental da 3ª fase.
A avaliación ambiental estratéxica do plan estructurante de ordenación do chan empresarial da 3ª fase da nosa área empresarial entra en fase de consulta pública. Esta consulta pública permanecerá aberta do 2 de febreiro ata o 16 de marzo.
353.476,44 euros para completar a rede de pluviais do polígono.
Este investimento realizado a pedimento da Comunidade de Propietarios do Polígono está incluída no paquete che actuacións POS+ 2023 (o plan único da deputación que facilita fondos aos diversos concellos da provincia) que foi aprobado no pleno municipal do día de onte.
Xornada sobre subvencións no Centro de Promoción Económica.
A xornada foi impartida ás 12:00h por Fernando Picón, socio-director de OBZ Consulting. Previamente recibiramos a visita dos alumnos do ciclo de grao superior en Enerxías Renovables do CIFP Universidade Laboral de Culleredo.
