Novas

No día de onte, a instancias da Comunidade de Propietarios do Polígono, a empresa  adxudicataria da xestión do ciclo integral de auga en Carballo (Gestagua) procedeu á execución de labores de limpeza e  manteamiento na rede de saneamento e pluviais do noso parque empresarial.

Na xunta directiva celebrada o pasado luns día 5, o Grupo de Desenvolvemento Rural‚ Costa da Morte aprobou a adhesión da Asociación de Empresarios do Polígono de Carballo á devandita entidade, concretamente formando parte da Mesa sectorial “Asociacións de empresarios e asociacións profesionais”.

A Xunta de Galicia acaba de adxudicar 6.000 metros cadrados de chan industrial nos distintos parque empresariais xestionados por  Xestur. En concreto, no noso polígono adxudicáronse dúas novas parcelas, que xuntas suman unha superficie total de 2.152 metros cadrados, sendo o seu prezo final de venda 87.481,23 euros. Estes datos volven situarnos como líderes na venda de chan industrial público, por diante dos parques empresariais da  Sionlla (Santiago de Compostela), de Ortigueira ou de Viveiro.

En resposta á queixa presentada o pasado 27 de setembro pola comunidade de propietarios en relación aos prologados cortes na subministración de telefonía que sufriron as empresas situadas no polígono durante os meses de agosto e setembro, a Secretaría Xeral de Atención ao Usuario de Telecomunicacións do Ministerio de Economía e Empresa notificou o dereito que teñen os afectados a ser indemnizados pola compañía telefónica responsable.

Nos últimos anos o Polígono de Carballo está a experimentar unha notable transformación: cun 80% do chan adxudicado e con importantes empresas operando nela, a segunda fase xa é unha realidade; pola súa banda a acción conxunta dos concellos de Carballo, A Laracha e Arteixo está a impulsar un gran eixo industrial contorna ao porto exterior e recentemente produciuse unha substitución na xerencia da Comunidade de Propietarios do Polígono. Todos estes factores, levaron colectivo empresarial do polígono a renovar a imaxe e a forma de comunicarse da nosa área industrial cos seus usuarios.

O pasado mes de xullo, preguntados nunha enquisa, o 99% dos empresarios do polígono mostrábanse partidarios do seu peche nocturno co obxectivo de mellorar as condicións de seguridade; ante esta abafadora porcentaxe, a asociación de empresarios iniciou os primeiros contactos para transformar esta demanda nunha realidade. Antes de que concluíse o verán mantívose unha primeira reunión co alcalde, Evencio Ferrero, onde a asociación empresarial expuxo esta petición, atopando boa acollida por parte da primeira autoridade municipal.

Ao longo desta semana estanse producindo novos cortes na subministración de telefonía que afectan a numerosas empresas asentadas no noso polígono. Chove sobre mollado despois de que o pasado mes de agosto sufrísemos un corte de tres día laborais de duración, de feito, na enquisa de diagnostico que a asociación de empresarios repartiu entre os usuarios do polígono, o servizo de telefonía é un dos elementos peor valorados.

A Xunta de Goberno Municipal celebrada o pasado luns 24, outorgou a licenza de construción de dúas novas naves no polígono de Carballo, co que o nivel de ocupación na segunda fase supera o 79% do chan industrial dispoñible.