Novas
A ampliación supera o trámite de avaliación ambiental.
O pasado luns 26 publicábase no DOG o informe ambiental estratéxico simplificado do PEOSE correspondente á ampliación da nosa área empresarial. O informe sinala que a intervención non ten efectos significativos no medio polo que non terá que someterse á avaliación ambiental estratexia ordinaria.
O polígono participa na edición 2023 de Mindtech.
Os días 20, 21 e 22 celébrase en Vigo a 3.ª edición de Mindtech, unha feira de referencia para o sector do metal e as súas tecnoloxías asociadas. O polígono busca poñer ao dispor do sector o chan industrial dispoñible actualmente e a medio prazo coa ampliación.
Xunta Xeral Ordinaria da Comunidade de Propietarios do Polígono.
Mañá 15 de xuño ás 20:00h, en primeira convocatoria, e se procede, ás 20:30h., no Centro Social de Bértoa terá lugar a Xunta Xeral Ordinaria da Comunidade de Propietarios do Polígono correspondente ao ano 2023.
Xornada sobre placas fotovoltaicas e autoconsumo solar.
O evento organizouse en colaboración co BBVA e Iberdrola e tiña como fin facilitar ás empresas información fiable sobre os custos, aforros e posibles vías de financiamento para a instalación de placas fotovoltaicas nas cubertas das súas naves.
En venda por adxudicación directa as catro últimas parcelas da 2ª fase.
A Xunta de Galicia anunciou o mércores a adxudicación no seu último concurso dunha das parcelas dispoñibles na 2ª fase da nosa área empresarial, concretamente a G32. Desde onte e ata o 30 de novembro ábrese o período de adxudicación directa e concesión de dereitos de superficie das restantes.
O polígono fortalece os seus lazos co tecido empresarial metropolitano.
A firma do convenio entre Nordes Club Empresarial e a Comunidade de Propietarios do Polígono permitirá organizar actividades conxuntas en Carballo e A Coruña. Así mesmo, as empresas do polígono interesadas en asociarse a Nordés Club Empresarial, gozarán dun desconto do 25% na cota de alta.
Visita institucional do presidente da Autoridade Portuaria de Ferrol San Cibrao.
A visita tivo como obxectivo presentar ás empresas do noso polígono os novos roteiros e frecuencias da terminal de contedores do porto ferrolán, que lles permiten enviar mercadoría aos principais mercados europeos e internacionais con prazos e custos moi competitivos.
Aprobada a apertura do vial que conectará o noso polígono coa rotonda do Centro Comercial Bergantiños.
A corporación municipal aprobou no pleno de onte unha modificación orzamentaria que incorpora un importe de 615.370,74 euros para a apertura e pavimentación do primeiro tramo do vial que comunicará o noso polígono coa avenida de Razo.
